पोखरा- कास्की प्रहरीले पोखराबाट ठूलो धनराशी राखी जुवा खेल्दै गरेका ब्यक्तिहरुलाई नियन्त्रणमा लिएको छ । पोखरा लेखनाथ महानगरपालिका वडा नम्वर ८ सिर्जनाचोकस्थित सूर्यबहादुर गुरुङको घरमा डेरा गरी बस्ने वर्ष ४२ का पूर्ण बहादुर गुरुङको कोठामा ठुलो धनराशी राखी जुवा खेलीरहेको अवस्थामा एक लाख भन्दा बढी रकम सहित ९ जनालाई नियन्त्रणमा लिइएको हो ।
पक्राउ पर्नेमा मुस्ताङ छुसाङ घर भई हाल पोखरा लेखनाथ ८ बस्ने ४२ बर्षीय पूर्ण वहादुर गुरुङ, पोखरा ६ लेकसाइडका ४५ बर्षीय बुद्धिबहादुर गुरुङ ,पोखरा ११ फूलबारीका ४२ बर्षीय अमृत गुरुङ, नदीपुरका ७० बर्षीय गंगा गौचन छन् । त्यस्तै पोखरा १४ का ४६ बर्षीय सुर्य बहादुर गुरुङ, वडा नम्बर १० बस्ने वर्ष ४० का भुवन शेरचन, काठमाण्डौ ३ घर भएका ५९ बर्षीय मन बहादुर पुन, ६० बर्षीय धोमा शेर्पा र पोखरा लेखनाथ ६ का४० बर्षीय रमेश राम्जालीलाई नियन्त्रणमा लिइएको छ ।
उनीहरुको साथबाट नगद १ लाख ११ हजार २ सय पचासी, नगदको रुपमा प्रयोग गरिएको ४७ वटा गोटी र ४ बुक तास बरामद गरिएको कास्की प्रहरीले जनाएको छ । उनीहरुलाई जुवा मुद्दमा म्याद थप गरी अनुसन्धान शुरु गरिएको कास्की प्रहरीले जनाएको छ ।
भर्खरै
लोकप्रिय
