रोकि राखेको बसमा अचानक आगलागी

जनकपुरधाम- धनुषामा रोकिराखेको बसमा आगलागी भएको छ। जनकपुरदेखि धनुषाधामसम्म चल्ने ना २ ख ८२४ नम्बरको बसमा अचानक आगलागी हुँदा बस जलेर नष्ट भएको छ।

धनुषाधामको सडक छेउमा रहेको आरक्षित वनमा रोकेर राखेको बसमा बेलुका साढे ४ बजे आगलागी भएपछि स्थानीयले प्रहरीलाई खबर गरेका थिए।

नजिकै रहेको धनुषाधाम नगरपालिकाको बारुण यन्त्र र स्थानीय प्रहरीको सहयोगमा आगो नियन्त्रणमा लिए पनि गाडीमा पूर्णरुपले क्षति पुगेको प्रहरीले जनाएको छ।

आगो कसरी लागेको हो भन्ने विषयमा अनुसन्धान भइरहेको इलाका प्रहरी कार्यालय धनुषाधामले जनाएको छ।