ललितपुर- शुक्रबार रातो मच्छिन्द्रनाथको जात्रा असिना पानीमै रुझेर सम्पन्न गरिएको छ।
मच्छिन्द्रनाथको रथलाई तानेरै लगनखेल पुर्याएको जात्रा हेर्न सैयौको भीड लागेको थियो।
जात्रामा रथबाट खसालको नरिवल लिन मानिसहरु असिना र पानीलाई समेत वेवास्ता गरेर पर्खिरहेका थिए।
रातो मत्स्येन्द्रनाथको खर्च यो वर्ष झण्डै रु ७० लाख पुग्ने भएको छ।
रथ निर्माणका लागि विभिन्न काममा झण्डै रु ५० लाख र मत्स्येन्द्रनाथका सेवक (रकमे) को खान्कीमा झण्डै रु २० लाख गरेर रु ७० लाख पुग्ने अनुमान गुठी संस्थान ललितपुर शाखाको छ।
वर्षेनी पाँचदेखि १० प्रतिशतको हाराहारीमा खर्च बढ्ने शाखाका प्रमुख शैलेन्द्र पौडेलले बताए। डोरी र बेतमा वर्षेनी पाँच प्रतिशतका दरले रकमेको ज्याला पनि बढिरहेको छ । यस वर्ष यँवाल र बाराहीको ज्याला १० प्रतिशतले वृद्धि भएको छ।
पुल्चोकस्थित रथ निर्माणमा काम गर्नेहरुको खाजा खर्चमा झण्डै ३० देखि ४० प्रतिशत बढेको जानकारी दिंदै उनले भने, ‘सबै कुरा महँगो भइरहेकाले बढी बजेट आवश्यक भएको हो।”
तस्बिरहरु-सुलभ श्रेष्ठ/देश सञ्चार
भर्खरै
लोकप्रिय
