काठमाडौँ- प्रदेश नम्बर एकको मन्त्रिपरिषद् बैठकले सरकारलाई महत्वपूर्ण सुझाव दिनका लागि चार सदस्यीय विज्ञ समिति गठन गरेको छ।
बुधबार अपरान्ह बसेको बैठकले विराटनगर महानगरपालिकाका पूर्वमेयर रमेशचन्द्र पौडेल, सुयषराज प्याकुरेल, डा. उत्तरकुमार रेग्मी र सोमनाथ अधिकारी सम्मिलित विज्ञ समूह गठन गर्ने निर्णय गरेको हो। विज्ञ समितिले सरकारको कामकारवाहीमा महत्वपूर्ण सुझाव दिनुका साथै निर्णय कार्यान्वयनको प्रभावकारिताको विषयमा सरकारलाई प्रतिक्रिया दिनेछ।
मन्त्रिपरिषद् बैठकले जेठ १७ गते दिउँसो ३ बजे प्रदेशसभाको वर्षे अधिवेशन आह्वान गर्न प्रदेश प्रमुख समक्ष सिफारिस गर्ने निर्णय पनि गरेको छ।
यसैगरी बैठकले योजना छनौट तथा कार्यान्वयन निर्देशिका २०७५ पारित गरेको छ भने निकट भविष्यमा हुनसक्ने बाढी पहिरोको प्रकोप नियन्त्रणकालागि तटबन्ध निर्माण गर्न बजेटको प्रवन्ध गर्ने निर्णय पनि गरेको प्रदेश सरकारका प्रवक्ता तथा आन्तरिक मामिला तथा कानूनमन्त्री हिक्मत कार्कीले जानकारी दिए ।
भर्खरै
लोकप्रिय
