कठमाडौँ– मलेसिया जाने कामदार ठगीको आरोपमा पक्राउ परेका मेडिकल सञ्चालकलाई पुर्पक्षका लागि थुनामा पठाइएको छ । वायोमेट्रिकमा आवद्ध मेरिडियन मेडिकलका सञ्चालक देवान राईलाई ५० लाख रुपैयाँ धरौटी बुझाउन नसकेपछि थुनामा पठाइएको हो ।
प्रहरीले बिहिबार अपरान्ह उनलाई जिल्ला अदालत काठमाडौँमा उपस्थित गराएको थियो । प्रहरीले २ करोड १२ लाख रुपैयाँ बिगो दावी गर्दै मुद्धा दायर गरेको छ । श्रम रोजगार तथा सामाजिक सुरक्षामन्त्री गोकर्ण विष्टले मलेसिया जाने कामदारको स्वास्थ्य परीक्षणमा ३९ वटा स्वास्थ्य संस्थाले खडा गरेको सिन्डिकेट तोड्ने निर्णय गर्दै कारबाहीलाई तिब्र पारेका छन् ।
३४ जना मेडिकल सञ्चालक प्रहरी नियन्त्रणमा छन् । ४८ जना पक्राउ परेपनि अनुसन्धानपछि अरु कर्मचारी भने छुटेका छन् । ३४ जनालाई प्रहरीले अदालतमा मुद्धा दायर गरेको छ । मन्त्रीको निर्णय पछि काम ठप्प पारेर असहयोग गरेपछि उनीहरु पक्राउ परेका थिए । बायोमेट्रिकका नाइके कैलाश खड्कालाई भने प्रहरीले पक्राउ गर्न सकेको छैन ।
भर्खरै
लोकप्रिय
