अब महिनावारीमा ‘बाइ बाइ प्याड’

काठमाडौँ – महिनावारीलाई सरल र सहज बनाउन मिन्सट्रल कपको प्रयोग गर्न सकिने सोफी होडेरले बताएकी छन्। होटल अन्नपुर्णमा भएको कार्यक्रममा मेरी स्टप्स इन्टरनेशनल नेपालकी निर्देशक सोफीले महिनावारीमा सकारात्मक बानीको विकास र सन्देश पठाउनको लागि सबै लाग्नुपर्ने बताइन्।

सामान्यतया हरेक महिनामा महिनावारीको प्याडको लागि दुई सय देखि ४ सय सम्म खर्च हुनेमा मिन्सट्रल कपको प्रयोगले खर्च पनि जोगिन्छ। यसलाई सफा गरेर पुन प्रयोग गर्न सकिने भएकाले वातावरणीय प्रदूषण कम गर्छ।

प्याडको विकल्पमा मिन्सट्रल कपको प्रयोग गर्न राम्रो भएको सञ्चारकर्मी माल्भिका सुब्बाले बताइन् । एउटा कपको लागि २ हजारमात्र पर्ने भएकोले यसले आर्थिक रुपमा पनि भार नपर्ने उनले बताइन्। यसको प्रयोगले इफेक्सनको डर नहुने डाक्टरले जानकारी दिए ।