सुनसरी- सुनसरी जिल्ला तरुण दलका सभापति सिजन गुरुङको अविलम्ब निःशर्त रिहाइको माग गर्दै प्रदेश सभा बैठक अवरुद्ध भएको छ।
विराटनगरमा आइतबार बैठक सुरु हुन लाग्दा नेपाली कांग्रेसका विधायकहरुले रोष्ट्रम घेराउ गर्दै बैठक अवरुद्ध गरेका थिए। संसदीय दलका उपनेता केदार कार्कीले गुरुङलाई पुर्वाग्रही रुपमा प्रहरीले पक्राउ गरिएकोमा आपत्ति जनाए।
गुरुङको पक्षमा बचाव गर्दै दलका उपनेता कार्कीले भने, पक्राउको औचित्य स्पस्ट पार्न सभामुख प्रदीप भण्डारीसमक्ष माग गरेका हौ। कांग्रेस सांसदका भनाइमा राजनीतिक प्रतिशोधका लागि गुरुङलाई पक्राउ गरिएको हो।
करिब २० मिनेट रोष्ट्रम घेराउ गरेपछि सभामुख भण्डरीले गृहमन्त्री हिक्मत कार्की बैठकमा उपस्थित नभएको र उहा आएपछि यस विषयमा जानकारी र जवाफ दिने बताएका थिए। त्यसपछि बैठक पुनः १० मिनेट स्थगित भएपछि सुचारु भएको नेता कार्कीले जानकारी दिए।
सिजन गुरुङको रिहाइको माग गर्दै सुनसरी जिल्ला कांग्रेसले चरणबद्ध रुपमा आन्दोलन गर्दै आएको छ। गुरुङलाई सातादिन अघि तरहराको गोल्डेन चौक क्षेत्रमा रहेको १० धुर जग्गा हडप्न खोजेको आरोप रहेको छ।
भर्खरै
लोकप्रिय
