इंग्ल्याण्डमा सिफलिस र गोनोरियाको संक्रमण बढ्दै गएको देखिएको छ । यौनजन्य रोग गोनोरिया र सिफलिसको संक्रमण गएको वर्ष त्यो भन्दा अघिल्लो वर्षको तुलनामा बढेको देखिएको हो ।
नयाँ तथ्यांक अनुसार सन् २०१७ मा त्यो भन्दा अघिल्लो वर्षको तुलनामा गोनोरियाको संक्रमण २२ तथा सिफलिसको संक्रमण २० प्रतिशतले बढेको छ । तर इंग्ल्याण्डमा यौनजन्य रोगको उपचार भने प्रभावकारी नै रहेको देखिएको छ ।
तर क्लामाइडियाको परीक्षण भने घटेको छ र यसप्रति स्वास्थ्य विज्ञले चिन्ता जनाएका छन् । पब्लिक हेल्थ इंग्ल्याण्डले सार्वजनिक गरेको नयाँ प्रतिवेदन अनुसार यौनजन्य रोगको संक्रमण हुनेमा बढी १५ देखि २४ वर्ष उमेर समूहका रहेका छन् ।
यस्तै समलिङ्गी, बाइसेक्सुअल तथा अरु पुरुषहरु बढी जोखिममा रहेका छन् । सन् २०१७ मा सिफलिसका ७ हजार भन्दा बढी र गोनोरियाका ४६ हजार भन्दा बढी संक्रमण दर्ता भएका छन् ।
अहिले देखिएको गोनोरियाका कारण सुपर गोनोरिया (जुन उपचार गर्न निकै कठिन हुन्छ) जोखिम उच्च रहेको भन्दै स्वास्थ्य विज्ञले चिन्ता व्यक्त गरेका छन् ।
इंग्ल्याण्डमा सन् २०१७ मा झण्डै ४ लाख २० हजारजनाले यौनजन्य रोगको उपचार गराएको प्रतिवेदनमा उल्लेख छ । कण्डमको प्रयोग गर्ने क्रम घटेकाले पनि संक्रमण फैलिएको विज्ञले बताएका छन् ।
भर्खरै
लोकप्रिय
