काठमाडौँ – पूर्व र मध्य क्षेत्रको मौसम बिहीबार सान्यतया बदली हुने जल तथा मौसम पूर्वानुमान महाशाखाले जनाएको छ ।
पूर्वी क्षेत्रमा अहिले पनि बदलीको अवस्था रहेको र दिनभर सामान्यतया बदली हुने सम्भावना देखिएको मौसमविद विभूति पोख्रेलले जानकारी दिइन् ।
पूर्व तथा काठमाडौँसहितका मध्य क्षेत्रमा पानी पर्ने सम्भावना पनि छ । तर पानी सबै तिर नपरेर कैत पर्ने कतै नपर्ने हुन सक्छ । यस्तै पश्चिमका क्षेत्रमा भने आंशिक बदलीको सम्भावना छ ।
मनसुन निकै कमजोर रहेकाले देशका सबै ठाउँमा पानी पर्ने सम्भावना भने नरहेको मौसमविद पोख्रेलले जानकारी दिइन् । बेलुकातिर पश्चिमका क्षेत्रमा हावाहुरीसहित पानी पर्ने सम्भावना छ ।
बदली हुने र घामलाग्ने क्रममा दिनभर चलिरहने भएकाले गर्मी भने बढी हुनेछ । काठमाडौँ उपत्यकामा बुधबारको अधिकतम तापक्रम ३०.२ डिग्री थियो ।
यस्तै दिपालयको ४१, धनगढीको ३८ तथा नेपालगञ्जको ३९.३ डिग्री रहेको महाशाखाले जनाएको छ । बिहीबार पनि देशभर गर्मी भने उस्तै रहने मौसमविदले बताएका छन् ।
भर्खरै
लोकप्रिय
