भीमदत्तनगर – कञ्चनपुरको शुक्लाफाँटा नगरपालिका–१२ का झण्डै पाँचसय नागरिक आँखा शिविरबाट लाभान्वित भएका छन्। शनिबार आयोजना गरिएको निःशुल्क आँखा शिविरमा १६१ जना पुरुष र ३२१ जना महिला सेवा लिन आएका थिए।
शुक्लाफाटा नगरपालिका–१२ को आयोजना र गेटा आँखा अस्पताल कैलालीको प्राविधिक सहयोगमा एक दिवसीय आँखा शिविर आयोजना गरिएको वडा नं १२ का अध्यक्ष वाले रानाले बताउनुभयो ।
शारीरिक तथा सामाजिक रुपमा समस्यामा रहेका ज्येष्ठ नागरिक, एकल महिला र अपांगतालाई सहयोग पु¥याउने उद्देश्यले सञ्चालन गरेको आँखा शिविरमा ४० वर्ष भन्दा बढी उमेर भएका सेवाग्राहीको संख्या बढी रहेको थियो ।
शिविरमा सेवा लिनेमध्ये केही आर्थिक अभाव तथा सेवा लिन अस्पताल जान नसकेका र मोतिबिन्दुको कारणले दुवै आँखाको दृष्टि गुमाएर लामो समयदेखि कष्टकर जीवन निर्वाह गरिरहेका आँखाका रोगीले पनि सेवा पाएको वडाध्यक्ष रानाको भनाइ छ ।
भर्खरै
लोकप्रिय
