धनगढी – कैलालीमा श्रीमतीले श्रीमानलाई भिरबाट खसालेर हत्या गरेको खबर आएकै बेला छिमेकी जिल्ला कञ्चुनपरमा पनि एक व्यक्तिले फरुवा (कोदालो) ले हिर्काएर श्रीमतीको हत्या गरेका छन् ।
भीमदत्त नगरपालिका–८ तिलाचौरका ३७ वर्षका केशव कार्कीले २६ वर्षकी श्रीमती सरस्वति कार्कीको मंगलबार बिहान खेतमा फरुवाले हानेर हत्या गरेको जिल्ला प्रहरी कार्यालय कञ्चनपुरले जनाएको छ ।
कञ्चनपुरका प्रहरी उपरीक्षक डिल्लीराज विष्टले खेतमा काम गरिरहेका बेला सामान्य विवाद हुँदा आवेसमा आएका हबल्दार कार्कीले फरुवाले हिर्काउदा सरस्वतिको घटनास्थलमै ज्यान गएको जानकारी दिए ।
उनले श्रीमतीको हत्या गर्ने केशवलाई पक्राउ गरि घटनाको थप अनुसन्धान भइरहेको जानकारी दिए ।
श्रीमतीको हत्या गर्ने केशव सशस्त्र प्रहरी हबल्दार रहेको र उनी सीमा सुरक्षा बल लमही दाङमा कार्यरत रहेको बुझिएको छ । उनी केही दिन अघि मात्रै रोपाइँ गर्नका लागि घर आएका थिए ।
भर्खरै
लोकप्रिय
