पपुवा न्युगिनीमा १८ वर्षपछि फेरि पोलियोको संक्रमण देखिएको छ । विश्व स्वास्थ्य संगठन, डब्लुएचओले १८ वर्षअघि पपुवा न्युगिनीलाई पोलियो मुक्त घोषणा गरिएको थियो । तर अहिले फेरि पोलिएको संक्रमण पुष्टि भएको हो ।
६ वर्षका बालकमा पोलियोको संक्रमण रहेको पुष्टि भएको हो । मारोबी प्रान्तका ती बालकमा पोलियो संक्रमण रहेको पुष्टि मे २१ म भएको हो । उनमा पोलियो भाइरस टाइप–१ को संक्रमण देखिएको हो ।
उनलाई गएको अप्रिल २८ मा खुट्टाको तल्लोभाग कमजोर भएको भन्दै स्वास्थ्य अधिकारी समक्ष पेश गरिएको थियो । ती बालकको समुदायका अरु दुई बालकालिकाको दिसाको नमुनामा पनि पोलियो भाइरस देखिएको अमेरिकाको रोक नियन्त्रण तथा रोकथाम केन्द्रले जनाएको छ ।
यसरी अरुमा पनि पोलियोको संक्रमण देखिएपछि महामारीको घोषणा गर्न स्वास्थ्य अधिकारीलाई दबाब परेको छ ।
मारोबी प्रान्तमा पोलियो खोपको दर कम रहेको छ । त्यहाँका ६१ प्रतिशत बालबालिकाले मात्रै पोलियो विरुद्धको खोप लिएका छन् ।
अहिले विश्वमा पपुवा न्युगिनी बाहेक पाकिस्तान, नाइजेरिया र अफगानिस्तानमा मात्रै पोलियोको संक्रमण रहेको डब्लुएचओले जनाएको छ ।
भर्खरै
लोकप्रिय
