हिलोमा धान, हिलोमै फुटबल

ललितपुर, लेले – रुसमा अहिले विश्वकप फुटबल चलिरहेको छ । समूह चरणका खेल सकिएर नकआउट चरणमा पुगेका १६ देशको खेल शनिबारदेखि सुरु हुनेछ ।

विश्वकप फुटबलको रौनकले नेपाललाई पनि छोएको छ । चोक चौतारो, बाटोघाटो सबैतिर विश्वकफ फुटबलकै चर्चा छ । फुटबलको चर्चा जम्काभेट र साथीसंगतीको समूहमा मात्रै होइन खेतसम्मै पुगेको छ ।

असार १५, धान दिवस हिलो खेलेर मनाउने परम्परा छ । तर यसपटक हिलोसँगै फुटबल पनि थपिएको छ । लिलितपुरको लेलेको खेतमा यस्तै देखियो । युवादेखि बालकसम्म हिलोसँगै हिले फुटबलमा रमाए ।