काठमाडौँ – डा. गोविन्द केसीका समर्थकले शनिबार काठमाडौँको माइतीघर मण्डलामा विरोध प्रदर्शन गरेका छन् । सरकारले डा. केसीलाई शान्तीपूर्ण रुपमा आन्दोलन गर्न नदिएको भन्दै त्यसको विरोधमा उनका समर्थकले माइतीघरमा विरोध प्रदर्शन गरेका हुन् ।
सरकारले केही दिनअघि मात्रै माइतीघर मण्डलासहितका ठाउँमा विरोध प्रदर्शन गर्न नपाउने नियम लागु गरेको थियो । शिक्षा क्षेत्रको सुधारको माग गर्दै पटक पटक अनसन बस्दै आएका डा. गोविन्द केसीले जुम्लामा शनिबारदेखि अनसन बस्ने भनेका थिए ।
तर त्यहाँ पनि सरकारले निषेधाज्ञा जारी गरेकाले उनी अनसन बस्न पाएका छैनन् । डा. केसीलाई शान्तीपूर्ण आन्दोलन गर्न पाउने वातावरण बनाउन माग गर्दै विविकेशील साझा पार्टीका सदस्यासहित उनका समर्थकले आन्दोलन गरेका हुन् ।
प्रदर्शनमा रवीन्द्र मिश्र पनि गएका थिए । प्रहरीले प्रदर्शनकारीलाई पक्राउ पनि गरेको छ ।
भर्खरै
लोकप्रिय
