अ
+
अ
अ
-
काठमाडौँ – देशभरको मौसम आइतबार सामान्यतया बदली हुने जल तथा मौसम पूर्वानुमान महाशाखाले जनाएको छ । मनसुन सक्रिय रहेकाले पूर्वदेखि पश्चिम सबै क्षेत्रको मौसम बदली भएको मौसमविद राजु प्रधानाङ्गले बताए ।
देशका अधिकांश क्षेत्रमा आइतबार हल्कादेखि मध्यम पानी पर्ने सम्भावना छ । यस्तै पूर्व र मध्य क्षेत्रका तराई तथा तल्लो पहाडी भेगमा भने ठूलो पानी पर्ने सम्भावना पनि रहेको मौसमविद प्रधानाङ्गले जानकारी दिए ।
काठमाडौँ उपत्यकासहित देशभर घाम लाग्ने सम्भावना कम रहेको र दिनभर पानी पर्ने र रोकिने क्रम चलिरहेने छ ।
बढी पानी पर्ने सम्भावना रहेका क्षेत्र र त्यसको प्रभाव पर्ने आसपास तथा तल्लो तराई तथा चुरे क्षेत्रमा बाढी तथा पहिरो जान सक्ने भएकाले सचेत हुने पर्ने मौसमविद प्रधानाङ्गले जानकारी दिए ।
भर्खरै
लोकप्रिय
