काठमाडौँ– जुम्लामा अनशरत डा.गोविन्द केसीलाई लिन सरकारले नेपाली सेनाको हेलिकोप्टर काठमाडौंबाट जुम्ला पठाउने तयारी गरे पनि उड्न सकेन । चिकित्सकसहितको टोली लिएर जान लागेको हेलिकोप्टर मौसम खराबीका कारण उड्न नसकेको सैनिक श्रोतले जनाएको छ ।
डा.केसीको स्वास्थ्य अत्यन्तै नाजुक बनेको भन्ने सूचना आएपछि सरकारले उनको जीवन रक्षाका लागि भन्दै चिकित्सकसहितको टोली हेलिकोप्टरमा पठाउने र डा. केसीलाई पनि यहिँ ल्याउने तयारी गरेको थियो ।
मुलुकको चिकित्सा शिक्षा र स्वास्थ्य सेवाको गुणस्तर कायम गर्न र त्यसको पहुँचमा आम नागरिकलाई पुर्याउने माथेमा प्रतिवेदन अनुसार बनेको राष्ट्रिय चिकित्सा शिक्षा अध्यादेश सरकारले जारी गर्नु पर्ने लगायत १० बुँदे माग राख्दै डा. केसी १५ औँ पटक अनशनमा छन् ।
तर चिसो ठाउँमा आवश्यक उपचारको व्यवस्था नहुँदा डा. केसीको स्वास्थ्य खस्किएको उनका समर्थक चिकित्सकले बताउँदै आएका छन् ।
प्रधानमन्त्री केपी शर्मा ओलीले भने डा. केसीका माग हुबहु कार्यान्वयन नहुने अडान राख्दै आएका छन् ।
भर्खरै
लोकप्रिय
