भक्तपुर : हनुमन्ते खोलामा बाढी, जगाती क्षेत्र जलमग्न

काठमाडौँ – अबिरल वर्षाका कारण भक्तपुरको जगाती क्षेत्रका बाढी आएको छ । बुधबार रातभर परेको अबिरल वर्षाका कारण हनुमन्ते खोलामा बाढी आएको जल तथा मौसम पूर्वानुमान महाशाखाले जनाएको छ ।

हनुमन्ते खोलामा आएको बाढीका कारण भक्तपुरको जगाती तथा राधेराधे क्षेत्रमा बाढी आएको छ । बाटोसहितका क्षेत्रमा पानी भरिएको छ भने जगाती क्षेत्रका घरमा पनि बाढी पसेको छ ।

अबिरल वर्षा रोकिन अझै केही घण्टा लाग्ने देखिकाले बाढी अझै बढ्ने सम्भावना रहेको मौसमविद विभूति पोख्रेलले जानकारी दिएकी छन् । बाढीका कारण भक्तपुरको हनुमन्ते खोला आशपासको क्षेत्रको जनजीवन प्रभावित भएको छ ।