कपिलवस्तु–नेपालका २६ जिल्लामा गरिब घर परिवार परिचय पत्र बितरण सुरु भएकाे छ। शुक्रबार कृषि, भूमि व्यवस्था तथा सहकारी मन्त्री चक्रपाणि खनालले कपिलबस्तुकाे मायादेवी गाउँपालिकाबाट कार्यक्रम उद्घाटन गरेका हुन् ।
अहिले २६ जिल्लामा गर्न लागिएको यो कार्यक्रम बाँकी ५१ जिल्लामा पनि आगामि दुई बर्षमा गर्ने मन्त्रालयले लक्ष्य लिएको छ। गरिब परिचय पत्र अति गरिबलाई रातो कार्ड, मध्यमलाई पहेलो कार्ड र गरिबलाई निलो कार्ड गरी तीन किसिमका कार्ड बितरण गरिएको छ।
१२ लाख ५० हजार घर परिवारमा सर्वेक्षण गर्दा ३ लाख ९१ हजार ८३१ घर परिवार गरिबीको रेखा मुनि रहेको देखिएको छ । मानव विकास सुचकांकमा तल रहेका जिल्लाहरुबाट परिचय पत्र वितरण गरिएको हो । बाँकी ५१ जिल्लाका लागि प्रश्नावली तयार भएको छ । तर २६ जिल्लामा वितरण गर्नका लागि पनि बजेटको अभाव रहेकाे कृषि मन्त्रालयले जनाएकाे छ।
अहिले जम्मा परिचय पत्र वितरण गर्न ६३ करोड रुपैयाँ छ । तर अहिले जम्मा बजेट ४ अर्ब अावश्यक पर्ने छ। अर्थमन्त्री र प्रधानमन्त्रीलाई बजेट अपुग भएकाे जानकारी गराईसकिएको कृषि मन्त्रालयले जनाएकाे छ। अहिले भएको ६३ करोड रुपैयाँले ११ जिल्लामा मात्र वितरण गर्न पुग्ने आँकलन गरिएको छ।
भर्खरै
लोकप्रिय
