दुर्घटनामा घाइते पत्रकार गोपीकृष्ण खनालको उपचारको क्रममा  मृत्यु

विर्तामोड– दुर्घटनामा परी झापाका पुराना पत्रकार गोपीकृष्ण खनालको मृत्यु भएको छ ।

साइकलमा सवार खनाललाई बिहिबार मे १ ज ६५८ नम्बरको जीपले ठक्कर दिएको थियो । विर्तामोड–२ चारपानेमा जीपले ठक्कर दिएपछि घाइते भएका खनाललाई उपचारका लागि विर्ता सिटी अस्पताल भर्ना गरिएको थियो । त्यहाँ उपचार सम्भव नभएपछि साँझ बीएण्डसी अस्पताल रिफर गरिएका खनालको उपचारका क्रममा मृत्यु भएको हो ।

विर्तामोड–३ निवासी ७० वर्षीय खनाल झापाका अग्रज र पुराना पत्रकार थिए। उनले लामो समयसम्म नयाँ कामना साप्ताहिक प्रकाशन गरेका थिए।

साहित्यकारसमेत रहेका भएका खनालको निधनले नेपाली पत्रकारितामा अपूरणीय क्षति पुगेको छ ।