अ
+
अ
अ
-
काठमाडाैँ – देशभरको मौसम सामान्यतया बदली हुने जल तथा मौसम पूर्वानुमान महाशाखाले जनाएको छ । मनसुनी गतिविधि सक्रिय रहेकाले देशका अधिकांश क्षेत्रमा बदली हुने र पानी पर्ने सम्भावना रहेको मौसमविद वरुण पौडेलले जानकारी दिए ।
अहिले बिहानैदेखि पश्चिमका क्षेत्रमा पानी परिरहेको छ । पश्चिमका पहाडी तथा तराई क्षेत्रमा वर्षा भएको र केही समयपछि रोकिए पनि दिउँसो पनि पानी पर्ने मौसमविद पौडेलले बताए ।
दिउँसो देशभरको मौसम आंशिकदेखि सामान्यतया बदली हुने र धेरै ठाउँमा हल्कादेखि मध्यम पानी पर्ने सम्भावना छ । यस्तै मध्य तथा पश्चिमका केही ठाउँमा ठूलो पानी पर्ने सम्भावना रहेको छ ।
यस्तै बेलुका तिर देशभरको मौसम सामान्यदेखि पूर्ण बदली हुने र पूर्वदेखि पश्चिमसम्म पानी पर्ने सम्भावना रहेको मौसमविद पौडेलले बताए । काठमाडौँ उपत्यकामा पनि पानी पर्ने सम्भावना छ ।
भर्खरै
लोकप्रिय
