अ
+
अ
अ
-
काठमाडौँ – हिरियो रंगको चुरा र मेहन्दी साउनको परिचय बनेको छ । शहरदेखि गाउँसम्म अधिकांश महिलाले अहिले हातभरि मेहन्दी लगाएका छन् । साउन भवान शिवको महिमा गान गर्ने महिनाको रुपमा चिनिन्छ ।
यहि महिनामा पार्वतीले व्रत बसेर शिवजीलाई प्राप्त गरेको मान्यता छ । यही धारणा अनुसार हरेक वर्ष साउन महिनामा विशेष गरी महिलाहरु मेहन्दी र हरियो चुरा लगाउने र व्रत बस्ने गर्छन् ।
अहिले काठमाडौँका चोकदेखि गल्लीहरुमा मेहन्दी लगाउने र लगाइ दिनेको भिड देखिन्छ । कोही मेहन्दी लगाउँन त कोही लगाइदिन व्यस्त देखिन्छन् ।
लगाउनेहरुमा आफ्नो हातमा कस्तो बुट्टा बन्दैछ भन्ने त लगाइदिनेमा आफ्नो कलाले सही रुप लिँदैछ कि छैन भनेर कौतुहल देखिन्छन् । हातमा लगाएको मेहन्दीको रंग कस्तो बस्यो भनेर हेर्नेहरु पनि छन् । काठमाडौँको न्युरोडमा अहिले यस्तै भिड देख्न पाइन्छ ।
भर्खरै
लोकप्रिय
