डा. केसीको समर्थनमा बसन्तपुरमा आज पनि सामूहिक सत्याग्रह

काठमाडौँ – चिकित्सा शिक्षामा सुधारको माग गर्दै सत्याग्रहमा रहेका डा. गोविन्द केसीको आन्दोलन र मागमा ऐक्यबद्धता जनाउँदै काठमाडौँको बसन्तपुरमा सोमबार पनि सामूहिक सत्याग्रह भइरहेको छ ।

डा. केसीको समर्थकको पहलमा आइतबारदेखि बसन्तपूरमा सामूहिक सत्याग्रह थालिएको हो । बिहान १० बजेदेखि बेलुका ५ बजेसम्म इच्छाभएका व्यक्तिहरु सत्याग्रहमा बस्ने गरेका छन् ।

डा. केसीको मागमा ऐक्यबद्धतासँगै उनको जीवन रक्षाका लागि आन्दोलन भएको अगुवाले बताएका छन् । डा. केसीले सत्याग्रह सुरु गरेको २४ दिन भएको छ ।

उनले माथेमा आयोगको प्रतिवेदन अनुसार तयार भएको चिकित्सा स्वास्थ्य अध्यादेशको मर्म तोडमोड गरेर संसदमा चिकित्सा शिक्षा विधेयक पेश भएको विरोधमा सत्याग्रह सुरु गरेका हुन् ।

उनको समर्थनमा समाजका विभिन्न पक्षबाट सरकारलाई दबाब दिने खालका आन्दोलन हुँदै आएका छन् ।