धेरै ठाउँमा हल्कादेखि मध्यम, केही ठाउँमा ठूलो पानी पर्ने

काठमाडौँ – देशभरको मौसम बिहीबार सामान्यतया बदली हुने जल तथा मौसम पूर्वानुमान महाशाखाले जनाएको छ ।

मनसुनी गतिविधि सक्रिय रहेकाले पूर्वदेखि पश्चिमसम्म सबै क्षेत्रको मौसम सामान्यतया बदली रहेको र दिनभरको अवस्था सामान्यतया बदलीकै रहने मौसमविद विभूति पोख्रेलले जानकारी दिइन् ।

काठमाडौँ उपत्यकामा बिहान मौसम केही खुलेको जस्तो देखिए पनि बदली हुने उनले बताइन् । देशका धेरै ठाउँमा हल्कादेखि मध्यम वर्षा हुने सम्भावना छ । यस्तै पूर्व र पश्चिमका केही क्षेत्रमा ठूलो पानी पर्ने सम्भावना पनि रहेको मौसमविद पोख्रेलले जानकारी दिइन् ।