कतै ठूलो वर्षा, कतै हावाहुरी : कहाँको मौसम कस्तो?

काठमाडौँ – देशभरको मौसम आइतबार बदली हुने जल तथा मौसम पूर्वानुमान महाशाखाले जनाएको छ । देशका अधिकांश स्थानको मौसम सामान्यदेखि पूर्ण बदली हुने र धेरै ठाउँमा मध्यम खालको पानी पर्ने सम्भावना रहेको मौसमविदले बताएका छन् ।

केही ठाउँमा भने ठूलो पानी पर्ने सम्भावना पनि छ । मनसुनी गतिविधि क्रियाशिल नै रहेकाले मौसम बदली हुने र पानी पर्ने सम्भावना रहेको हो । काठमाडौँ उपत्यकाको मौसम पनि दिनभरिजसो बदली हुने सम्भावना छ ।

बेलुका पनि देशभरको मौसम बदली हुने र अझै एक दुई दिन मौसम यस्तै रहने महाशाखाले जनाएको छ । यस्तै आइतबार राति पूर्वी तराईका केही ठाउँमा हावाहुरी चल्ने र देशका केही भागमा ठूलो पानी पर्ने सम्भावना छ ।