धनगढी – बाजुराको बडीमालिका नगरपालिका नजिकै शंकास्पद बस्तु फेला परेको छ । बडीमालिका नगरपालिकाको गेट नजिकै प्लाष्टिकले बेरेको अवस्थामा उक्त शंकास्पद बस्तु फेला परेको प्रहरीले जनाएको छ ।
पार्टीका प्रवक्ता खड्गबहादुर विश्वकर्मा, प्रकाण्ड पक्राउ परेको विरोधमा नेत्र विक्रम चन्द, विप्लव नेतृत्वको नेपाल कम्युनिष्ट पार्टीले मंगलबार आह्वान गरेको नेपाल बन्दको क्रममा बिहानै शंकास्पद बस्तु फेला परेको हो ।
शंकास्पद बस्तु प्रहरीले सुरक्षा घेरामा राखेको छ भने डिस्पोजलका लागि सेनालाई खबर गरिएको सुरक्षा अधिकारीले बताएका छन् ।
बन्दको प्रभाव प्रदेश ७ मा न्यून छ । लामो दूरीका सावरी साधनन चल्न नसके पनि छोटो दूरीका सवारी साधन भने निर्वाध रुपमा चलिरहेका छन् ।
बाटोमै रहेका सवारी साधानलाई प्रहरीले स्कटिङ्ग गरेर गन्तव्यमा पुर्याउने कार्य भइरहेको प्रहरीले क्षेत्रीय ट्राफिक प्रहरी कार्यालय अत्तरीयाले जनाएको छ ।
बजार खुल्ने क्रममा छन् भने विद्यालयको पढाई भने प्रभावित भएको छ ।
भर्खरै
लोकप्रिय
