काठमाडौँ – देशभरको मौसम मंगलबार बदली हुने र धेरै ठाउँमा पानी पर्ने सम्भावना रहेको जल तथा मौसम पूर्वानुमान महाशाखाले जनाएको छ ।
दिउँसो र राति देशभरको मौसम सामान्यदेखि पूर्ण बदली हुने र धेरै ठाउँमा हल्कादेखि मध्यमस्तको वर्षा हुने सम्भावना रहेको मौसमविदले बताएका छन् ।
राति पश्चिमका केही ठाउँमा ठूलो पानी पर्ने सम्भावना पनि रहेको मौसमविदले जानकारी दिएका छन्।
काठमाडौँ उपत्यकासहितका ठाउँमा बिहानमा मौसम केही खुलेको जस्तो भए पनि फेरि बदली भइ पानी पर्ने सम्भावना रहेको महाशाखाले जनाएको छ ।
यस्तै देशभरका ठूला तथा मझौला नदीमा पानीको बहाब बढी रहेको छ । कोशी, कमला, बागमती, पश्चिम राप्ती, कर्णालीसहितका नदीमा पानीको बहाब सतर्कता तह आसपास रहेको र पानी परेमा बढ्ने सम्भावना रहेको बाढी पूर्वानुमान महाशाखाले जनाएको छ ।
तटीय क्षेत्रका बासिन्दाले सतर्कता अपनाउनु पर्ने सुझाव दिइएको छ ।
भर्खरै
लोकप्रिय
