काठमाडौँ – नेपालको सबैभन्दा पुरानो ग्यास कम्पनी नेपाल ग्यास उद्योगले नयाँप्रविधिको कम्पोजिट सिलिण्डर बजारमा ल्याएको छ । उद्योग, वाणिज्य तथा आपुर्ती मन्त्री मात्रिका प्रसाद यादवले उक्त सिलिण्डरको विक्री उद्घाटन गरे ।
नयाँ कम्पोजिट सिलिण्डरको विशेषता पूर्ण–सुरक्षित र विस्फोटन नहुने रहेको कम्पनीले दाबी गरेको छ । यसलाई आगोले विष्फोट गर्न नसक्ने भएकोले उपभोक्ताहरुले आफूलाई पूर्ण सुरक्षित ठान्न सक्ने कम्पनीको दाबी छ।
हरेक कम्पोजिट सिलिण्डरलाई प्रयोगशालामा परीक्षण गरिएको, र यो सिलिण्डर पारदर्शी भएकोले उपभोक्ताहरुले सिलिण्डरमा ग्यासको लेभल सजिलै जाँच्न सक्ने पनि जानकारी दिइएको छ ।
यस सिलिण्डर फाइबरले बनेको हुनाले बोक्दा हलुका हुने, ग्यास चुहावट पत्ता लगाउने, भल्भ निभाउने र सुरक्षित राख्ने प्रविधि जडित रहेको कम्पनीले जनाएको छ ।
हाल विक्री वितरणका लागि कम्पोजिट सिलिण्डर १४.२ केजी र ५ केजीमा उपलब्ध रहेको छ ।
मेरो किरानालाई नेपाल ग्यास कम्पोजिट सिलिण्डरको काठमाडौँ उपत्यका भित्र अनलाइन डेलिभरी पार्टनरको रुपमा पनि घोषणा गरिएको छ ।
भर्खरै
लोकप्रिय
