निर्मला र सन्नीको परिवारलाई प्रदेश सरकारको पनि ५/५ लाख

धनगढी- बलात्कारपछि हत्या गरिएकी १३ वर्षिया बालिका निर्मला पन्त र उनका हत्यारालाई कारवाहीको माग गर्दै भएको प्रदर्शनका क्रममा प्रहरीको गोली लागेर मृत्यु भएका सनी खुनाको परिवारलाई प्रदेश ७ को सरकारले ५/५ लाख रुपैयाँ दिने निर्णय भएको छ।

आइतबार महेन्द्रनगर पुगेका आन्तरिक मामिला तथा कानुन मन्त्री प्रकाशबहादुर शाहले पिडित परिवारलाई भेटदै ५/५ लाख रुपैयाँ राहत घोषणा गरेका हुन्।

यसअघि केन्द्र सरकारले खुनालाई सहित घोषणा गरेको थियो भने पन्त र खुनाको परिवारलाई राहत स्वरुप १०/१० लाख रुपैया दिने निर्णय गरेको थियो।