अमेरिकी राष्ट्रपति डोनाल्ड ट्रम्पले गुगल, ट्वीटर र फेसबुकलाई चेतावनी दिएका छन् । गुगल, ट्वीटर तथा फेसबुकले समस्याग्रस्त क्षेत्रमा पनि हात हालेको भन्दै ट्रम्पले चेतावनी दिएका हुन् ।
गुगल, ट्वीटर तथा फेसबुकले कथित रुपमा पूर्वाग्रह राखेको भन्ने आरोप लागिरहेका बेला ट्रम्पको चेतावनी आएको हो । ‘ट्रम्प न्युज’ भनेर सर्च गर्दा गुगलले कथित रुपमा पूर्वाग्रह गरेको आरोप लागेपछि ट्रम्पले प्रविधि क्षेत्रका जाइन्ट कम्पनीहरुलाई निकै सचेत भएर काम गर्न चेतावनी दिएका हुन् ।
नियमनका सम्बन्धमा आफूहरुले निगरानी गरिरहेको ट्रम्प प्रशासनका एक सहयोगीले बताएका छन् । गुगलले भने आफ्नो सर्च इन्जिनको कुनै राजनीतिक एजेण्डा नरहेको र कुनै पनि राजनीतिक विचारधाराप्रति पूर्वाग्रही नरहेको बताएको छ ।
ह्वाइट हाउसमा पत्रकारसँग कुरा गर्दै राष्ट्रपति ट्रम्पले गुगलमाथि धेरै व्यक्तिबाट धेरै लाभ लिएको र यो निकै गम्भीर कुरा रहेको बताएका छन् । यस्तै उनले ट्वीटर र फेसबुक पनि सचेत हुनु पर्ने बताए ।
गुगल, ट्वीटर र फेसबुक पूर्वाग्रही भएको भन्दै हजारौँ उजुरी आएको ट्रम्पको भनाई छ । तर ट्रम्पले नियमनका लागि कस्तो कदम चाल्ने भन्ने बारे केही बताएनन् ।
भर्खरै
लोकप्रिय
