काठमाडौँ – पुरुषहरुको सौन्दर्य प्रतियोगिता म्यानहन्ट काठमाडौँमा हुने भएको छ । डाबर नेपालको पुरुष लक्षित उत्पादन प्रोस्टाइल र ग्रुप अफ इभेन्ट एन्टरटेनर्सले प्रोस्टाइल म्यानहन्ट प्रतियोगिता आयोजना गर्ने भएका हुन् ।
काठमाडौँमा हुने प्रतियोगितामा भाग लिने चाहने युवा १८ देखि ३३ वर्षको र ५ फिट १० इञ्च भन्दा बढी उचाई तथा कम्तिमा एसइई पास गरेको हुनुपर्ने आयोजकले जनाएको छ ।
प्रतियोगिताको अन्तिम प्रतिस्पर्धा मङ्सिर २१ मा हुनेछ । आवेदन फारम खुला भइसकेको आयोजकले जनाएको छ । फाराम फेसबुक पेज, जिइइको कार्यालय र इमेलमार्फत मंसिर ८ गतेसम्ममा बुझाउनु सकिने छ। विजेताले भियतनाममा हुने म्यानहन्ट इन्टरनेशनल २०१९ मा नेपालको प्रतिनिधित्व गर्नेछ ।
दोश्रो र तेस्रो स्थान हाँसिल गर्ने विजेताले क्रमशः मिस्टर ग्लोबल २०१९ तथा मिस्टर युनिभर्सल एम्बेसेडर २०१९ मा भाग लिन पाउने छन् । प्रतिस्पर्धामा भाग लिन चाहने पुरूषले म्यानहन्ट नेपालको फेसबुक पेजबाट थप जानकारी लिन सक्ने कम्पनीले जनाएको छ ।
भर्खरै
लोकप्रिय
