अ
+
अ
अ
-
जन्मन्छु जन्मन्छु म नित्य प्रात
जीवन्त ज्योतिमर्य देशबाट
यहाँ अँध्यारो छ, यहाँ छ शून्य
अस्तित्वको क्यै पनि छैन चिन्ह
म अन्धकारै पनि मथ्छु मथ्छु
र शून्यमै सुन्दर सृष्टि रच्छु
म हातमा मिर्मिर रश्मि लिन्छु
आकार सपनाहरुलाई दिन्छु
यहाँ निभेको अनुहार कोही
मुस्कन्छ मेरै मुसकान छोई
जाज्वल्यता जीवनलाई दिन्छु
कुनै नयाँ चिन्तन ल्याइदिन्छु
म सूर्य हूँ, होइन खालि मर्त्य
मैले नहेरे सब सृष्टि व्यर्थ
(राष्ट्रकवि माधव घिमिरेको सयौँ जन्मदिन मनाउने क्रममा उनको प्रकाशोन्मुख कृति ‘ऋतम्भरा’ महाकाव्यबाट एक अंश)
भर्खरै
लोकप्रिय
