काठमाडौं – तयारी चाउचाउ तथा स्न्याक्स उत्पादक यशोदा फुड्स रुपन्देहीले ‘डबल धमाका बम्पर उपहार’ योजना अन्तर्गत प्रथम पुरस्कार विजेतालाई पुरस्कार हस्तान्तरण गरेको छ ।
भाग्यशाली विजेता श्री प्रदिप भट्टराईलाई प्रथम पुरस्कार स्वरुप सेलेरियो ख्ह्क्ष् हस्तान्तरण गरी नगर परिक्रमा गराइएको थियो ।
यशोदा फुड्सको ‘डबल धमाका बम्पर उपहार’ योजना अन्तर्गत कम्पनीले विक्रेताहरुलाई प्रत्येक ५० कार्टुन चाउचाउको खरिदमा १ थान लक्की ड्र कुपन प्रदान गरेको थियो । सो कुपनहरु मार्फत विभिन्न उपहारहरु प्रदान गरेको थियो ।
यसअघि कम्पनीद्वारा काठमाडौंस्थित होटल सोल्टी क्राउन प्लाजामा “सम्बन्धहरुको रौनक” नामक एक भव्य डिलर मिट कार्यक्रम आयोजना गरी उपहार विजेताहरुको नाम घोषणा गरिएको थियो जहाँ सम्पूर्ण अधिकृत विक्रेताहरुको सहभागिता रहेको थियो ।
यस योजना अन्तर्गत कम्पनीले १ सय १ जनालाई रेफ्रिजेरेटर, ७ जनालाई प्रति व्यक्ति १० ग्राम सुन, ३ जनालाई प्रति व्यक्ति २० ग्राम सुन, १ थान महिन्द्रा गस्टो स्कुटर, १ थान बजाज एभेन्जर मोटरसाइकल र बम्पर धमाकामा मारुती सेलेरियो गाडी १ जना भाग्यशाली विक्रेतालाई लक्की ड्र मार्फत प्रदान गरेको हो ।
भर्खरै
लोकप्रिय
