काठमाडौँ – मारुती सिमेन्टलाई अन्तर्राष्ट्रिय स्तरको मापदण्ड प्राप्त भएको छ । मारुती सिमेन्ट एक दशक अगाडि नेपाली सिमेन्ट जगतमा नेपालकै पहिलो तथा निजी स्तरको सबैभन्दा ठूलो सिमेन्ट उत्पादन गर्ने स्वदेशी उद्योगको रूपमा स्थापना भएको थियो ।
पूर्वाञ्चलको उदयपुर पहाडी क्षेत्रमा रहेको आफ्नै चुनढुंगा खानीबाट अत्याधुनिक रोटेरी टेक्नोलोजीको ग्रीनफिल्ड प्लान्टद्वारा सर्वोत्कृष्ट ओपिसी सिमेन्ट– मारुती सिमेन्टको उत्पादन भैरहेको छ ।
हालै मात्र, मारुती सिमेन्टले आफ्नो गुणस्तरलाई अझ निखार्दै नेपाल गुणस्तर तथा नापतौल बिभागबाट अन्तर्राष्ट्रिय स्तरको मापदण्ड प्राप्त गर्ने क्रममा क्लिंकर ओपिसि सिमेन्ट उत्पादन तथा विक्री वितरणको लागि एनएस/आई.एस.ओ ९००१ः२०१५ –NS/ISO 9001:2015_ र क्लिंकर– क्रशिङ, ग्राइन्डिङ र क्लिंकराइजेशन एवं ओपिसि सिमेन्ट (ग्राइन्डिङ र प्याकिङ) को लागि एनएस/आईएसओ १४००१ः२०१५ (NS/ISO 14001:2015)द्वारा सम्मानित नेपालकै पहिलो कम्पनी बन्न सफल भएको छ ।
सम्मान ग्रहण गरे लगत्तै कम्पनीका ब्राण्डम्यानेजर राजु श्रेष्ठले भने, ‘यसको मुख्य श्रेय सम्पूर्ण उपभोक्ता महानुभाव, शुभचिन्तकवर्ग तथा मारुती सिमेन्टसँग आबद्धसम्पूर्ण सहकर्मीहरुलाई दिन चाहन्छौँ । साथै, कम्पनीको तर्फबाट आभार व्यक्त पनि गर्दछौँ र आगामी दिनहरुमा पनि अझ दरिलो विश्वासको साथ आफ्नो गुणस्तरलाई अझ निखार्दै र मजबुत बनाउदै समृद्ध नेपाल बनाउने कार्यदिशामा सदैव अग्रसर रहिरहने छौँ ।’
भर्खरै
लोकप्रिय
