
काठमाडौँ – कार्तिक १६ गतेदेखि १६ औँ अनसन बस्ने चेतावनी दिएका डा. गोबिन्द केसीले आज (शुक्रबार) पत्रकार सम्मेलन गर्दैछन् । डा. केसीले शुक्रबार दिउँसो २ बजे चिकिस्ता शिक्षा विधेयक सम्बन्धमा पत्रकार सम्मेलन गर्ने उनका सहयोगीले जानकारी दिएका छन् ।
सरकार र आफूबीचको पूर्व सम्झौताअनुसार चिकित्सा शिक्षा विधेयक जारी नभए आगामी कात्तिक १६ गतेदेखि १६ औं अनशन थाल्ने चेतावनी डा. केसीले दिएका थिए ।
उनले सोही विषयमा जानकारी गराउन शुक्रबार पत्रकार सम्मेलनको आयोजना गरेको बताइएको छ । सरकारले डा. केसीको मागअनुसार विधेयक निर्माण गरी संसदमा प्रस्तुत गर्ने लिखित सहमति जनाएपछि उनले आफ्नो १५ औं अनसन तोडेका थिए।