काठमाडौँ – चोली र लेहेंगामा सजिएकी करिश्मा काठमाडौँ मलको चौथो तलामा देखिइन्। उनीसँगै कलाकार बसुन्धरा भूषालको पनि सहभागिता थियो। पसल नं २३ को गेटमा सुन्दर आकर्षक कपडाहरु डमिमा सजिएका थिए। तिनै डमीजस्तै देखिने गरी सजिएका एक हुल युवति पसलको गेटमा उभिएका थिए, स्वागत गर्न हातमा फूलको बुके लिएर।
शनिबार फेशन डिजाइनर क्षितिजा शाक्यको शाखा कपडा पसल क्षितिजा अपारेलको उद्घाटन भएको छ। अभिनेत्री करिश्माले रिवन काटेर पसलको आधिकारिक उद्घाटन गरिन्। १४ वर्षदेखि फेशन डिजाइनिङ्को क्षेत्रमा कार्यरत शाक्यको नरदेविमा पसल रहेको छ। उनले शाखा काठमाडौँ मलको चौथो तलामा खोलेकी हुन्।
महिलाहरुको पहिरन विशेषगरी विवाहको लागि आवश्यक ब्लाउज, लेहेंगा, जुत्ता। यस्तै पूजामा र क्याजल वेयरका कुर्ता सुरुवालहरु क्षितिजा अपारेलमा पाइन्छ। यहाँ हातले भरेका तथा रेडिमेड कपडाहरु साथै बनारसी साडिहरु बिक्रिमा राखिएको छ।
तस्बिरहरु: वर्षा शाह
भर्खरै
लोकप्रिय
