काठमाडौँ – भोक सबैमा हुन्छ, जसले भोकलाई समयमै मेटाउन आफ्नो भुमिका खेल्न सक्छ ऊ नै सफल र समाजमा एउटा अलग पहिचान बन्न सक्दछ । केही गर्ने भोक भए मात्र मानिस आफ्नो लक्ष्यलाई पछ्याउदछ र उसले त्यो भोक मेटाउन दृढ भएर काम गर्दछ । सबैमा विभिन्न किसिमका भोकहरु हुन्छन र हुन जरुरी पछि छ्,भोक विना मानव जीवन असम्भव नै छ ।
एशियन थाई फुड्स् अन्तर्गतको प्रिती नूडल्डले सामाजिक उत्थान एवं निःश्वार्थ भावनाले युक्त भोकलाई विगतका वर्षदेखि सम्मान गर्दै आएको छ । यसै सिलसिलामा प्रिती नूडल्सले आफ्नो सामाजिक उत्तरदायित्व अन्तर्गत “भोक जरुरी छ” अभियानका सिलसिलामा दुर्गम क्षेत्रलाई शिक्षित र सचेत बनाउने भोकभएका हिमयाकका संस्थापक विनोद शाहीको भोक उत्कृष्ट भएको हुँदा उनलालाई सम्मान स्वरुप रु एक लाख एक हजार नगद प्रदान गरेको छ ।
यसका अतिरिक्त उनले स्थापना गरेको विद्यालय एवं डोल्पाका अन्य विद्यालयहरुका लागि टेवल तथा अन्य शैक्षिक सामग्रीहरु पनि प्रितीले प्रदान गरेको छ ।
संस्थापक हिमयाकका विनोद शाहीमा दुर्गम क्षेत्रमा शिक्षा र जनचेतना फैलाउने भोक छ । विगत १४ वर्षदेखि निरन्तर डोल्पा जस्तो हिमाली जिल्लामा केन्द्रित भई सञ्चालित उनको संस्था हिमयाकले २ वटा पूर्ण रुपमा बन्द भएका स्कुलहरुको पुनः सञ्चालन, १३ गाउँका ८४५ बालबालिकाहरुलाई शैक्षिक सामग्री वितरण, ७ विद्यालयमा १६ स्वयंसेवक शिक्षकहरुको परिचालन, ५२५ बालबालिकाहरुलाई गुणस्तरी शिक्षा एवं ८० भन्दा बढी विपन्न विद्यार्थीहरुलाई उच्चशिक्षा प्रदान, गर्दै आएको छ ।
“छैन, हुदैन, सक्दैन” जस्ता निराशा र नकारात्मकता फैलिरहेको अवस्थामा “छ, हुन्छ र सक्छ “ फैलाउने भोक दोषारोपण र परनिर्भरता मात्र ब्याप्त भएको अवस्थामा आफै गर्नुपर्छ, हामी सक्षम छौं भन्दै सबैलाई स्वाभिमान र जिम्मेवार बनाउने भोक, उपेक्षित र अपहेलितदुर्गम क्षेत्रलाई शिक्षित र सचेत बनाउने भोक, यिनै भोकले उनलाई साधारण मान्छेबाट हिरो बनाइदियो । उनका यस्तै अतुलनीय कार्यहरुले गर्दा उनलाई सर अफ द हिमालयाज भन्ने उपाधि पनि मिलेको छ ।
उनको यस्तो शाश्वत एमव् महान् कार्यको सम्मान गर्ने क्रममा एशियन थार्इ फुड्स प्रा.लिका महाप्रवन्ध निर्देंशक महेश कुमार जाजुले उनलाई रु १ लाख १ हजारको चेक हस्तान्तरण गरे ।
भर्खरै
लोकप्रिय
