अ
+
अ
अ
-
धनगढी – सोमबार विश्वभरी २८ औँ अन्तराष्ट्रिय ज्येष्ठ नागरिक दिवस मनाइरहेको बेला डोटीमा भने एकजना बृद्धा बलात्कारको शिकार भएकी छन् । सोमवार बिहान जिल्लाको बडीकेदार गाउँपालिका–३ की ७४ वर्षीया बृद्धा बलात्कृत भएको जिल्ला प्रहरी कार्यालय डोटीले जनाएको छ ।
उनलाई बलात्कार गरेको आरोपमा प्रहरीले बोगटान गाउँपालिकाका २२ वर्षीय एकेन्द्र धामीलाई पक्राउ गरेको मुद्धा शाखाका कार्यरत सई गगन गिरीले बताए । बलात्कारको आरोपमा पक्राउ परेका धामीले मादक पदार्थ सेवन गरि बृद्धालाई बलात्कार गरेको स्वीकार गरेको प्रहरीले जनाएको छ ।
धामीलाई जवरजस्तीकरणी सम्बन्धी मुद्धामा मंगलवार अदालतबाट ७ दिनको म्याद थपिएको छ । बृद्धालाई बलात्कार गरेको जानकारी पाएपछि स्थानीयलाई प्रहरीलाई खवर गरेका थिए । त्यसपछि प्रहरी टोली गएर आरोपित धामीलाई पक्राउ गरेको हो ।
भर्खरै
लोकप्रिय
