पूर्व आइजिपीको आत्मकथा ‘अच्युतकृष्ण खरेल’ विमोचन

काठमाडौँ – पूर्व प्रहरी महानिरीक्षक अच्युतकृष्ण खरेलको आत्मकथा ‘अच्युतकृष्ण खरेल’ विमोचन भएको छ। नेपाल पुलिस क्लब प्रदर्शनी मार्गमा शनिबार पूर्व राष्ट्रपति रामवरण यादव र बिन्दु अधिकारीले पुस्तक विमोचन गरेका हुन्।

राजनीतिक विशेषज्ञ हरि शर्मासँग साक्षातकार गर्दै पूर्व आइजिपी खरेलले काम गर्दै जाँदा मनमा कति कुरा गडेर बस्दो रहेछ, त्यहि कुरालाई पोख्ने माध्यम आत्मकथा भएको खरेलले बताए। उनले यसलाई जीवनलिला भएको पनि बताए। यसमा उनको धेरै सुख दुःख मिसिएको बताए।

झण्डै ३१ वर्ष प्रहरी सेवामा बिताएका खरेल प्रहरी संगठन र राजनीतिक घटनाक्रमका साक्षी हुन्। उनी फुटबल खेल्नको लागि प्रहरीमा भर्ति भएका थिए।

नेपालयको छैठौँ प्रकाशन पुस्तक ‘अच्युतकृष्ण खरेल’ हो। पुस्तकको मूल्य ९ सय ९५ रुपैयाँ तोकिएको छ।