काठमाडौं – माछापुच्छ्रे बैंक लिमिटेडले विपद् व्यवस्थापनका लागि चाहिने उद्दार सामग्री नेपाल प्रहरीलाई प्रदान गरेको छ। बैंकले नेपाल प्रहरीलाई ५५ लाख ७६ हजार रुपैयाँ बराबरको विपद् उद्दार सामग्री प्रदान गरेको हो।
१८औँ वार्षिकोत्सवको अवसरमा प्रधान कार्यालयमा आयोजित एक कार्यक्रमका बिच नेपाल प्रहरीलाई उक्त सामग्री हस्तान्तरण गरिएको बैंकले जनाएको छ।
कार्यक्रममा प्रहरी महानिरीक्षक सर्वेन्द्र खनालले विपद्को बेला उद्दारमा खटिने प्रहरी कर्मचारीहरुलाई प्राप्त सामग्रीले थप मद्दत पुर्याउने बताए। उनले नेपाल प्रहरीलाई उक्त सामग्री प्रदान गरेकोमा बैंकप्रति आभार प्रकट गरेका छन्।
कार्यक्रममा बैंकका अध्यक्ष रोशन केसीले विपद् व्यवस्थापनमा नेपाल प्रहरीले गरेको उद्दार कार्यको प्रशंसा गर्दै ७ वटै प्रदेशमा विपद् व्यवस्थापनलाई थप प्रभावकारी बनाउन सामग्री उपयोगी हुने विश्वास व्यक्त गरे।
हस्तान्तरण गरिएका सामाग्रीहरुमा भत्केका संरचनामा उद्दार तथा खोजीमा प्रयोग हुने उपकरणहरु, अग्नी नियन्त्रणका सामग्री, रोप तथा वाटर रेस्क्यूका सामग्रीहरु तथा र्याफ्टबोट र उक्त बोटलाई चाहिने आवश्यक उपकरण छन्।
बैंकले मुलुकभरिका ८६ वटा शाखाहरु, २ वटा एक्स्टेन्सन काउन्टरहरु लगायत ३० शाखारहित बैकिङ सेवा गरी जम्मा १ सय १८ स्थानबाट बैंकिङ सुबिधा प्रदान गरीरहेको छ। साथै, बैंकको देशभर ९९ वटा एटिएम सञ्चालनमा रहेका छन्।
भर्खरै
लोकप्रिय
