भारत केरलाको सबरीमला मन्दिरमा महिलालाई प्रवेश गर्न नदिने प्रयासमा स्थानीय परम्परावादीहरु रहेका छन् । सबरीमला मन्दिरमा स्वामी अयप्पाको दर्शनको प्रयासमा रहेका महिलामाथि दबाब बढ्दै गएको हो ।
सबरीमला मन्दिरमा १० वर्षदेखि ५० वर्षका महिलाहरुलाई प्रवेशमा लाग्दै आएको प्रतिबन्ध सर्वोच्च अदालतले केही समयअघि गरेको फैसलाबाट खारेज गरेको थियो ।
महिला अधिकारकर्मीले त्यसको स्वागत गरेपछि केरलाका स्थानीय परम्परावादीहरुले सर्वोच्च अदालतको फैसलाको विरोध गर्दै आएका छन् । सबरीमला मन्दिरको मुल ढोका बुधबारदेखि महिनाभर हुने विशेष पूजाका लागि खोलिँदैछ ।
अब महिलाहरु पनि मन्दिरमा प्रवेश गर्ने तयारीमा छन्, नदिनका लागि सर्वोच्चको फैसलाको विपक्षमा रहेकाहरु छन् । मंगलबार चक्का जाम गरेर महिलाहरुलाई सबरीमला रहेको पहाडमा जानबाट रोकेका छन् ।
केरलाका मुख्य मन्त्री पिनारायी विजयानले महिलालाई मन्दिर प्रवेशमा रोक लगाउनका लागि स्वीकृति नदिइने बताएका छन् ।
मंगलबार सबरीमला तर्फ जाँदै गरेका महिला मध्येबाट युवा उमेरका महिलालाई मन्दिर भएको पहाडमा चढ्न दिइएको थिएन । र पनि उनीहरुले आफ्नो यात्रालाई कायम कायम राखेका छन् । महिलालाई रोक्न आउनेमा महिला श्रद्धालुहरु नै पनि रहेका छन् ।
भर्खरै
लोकप्रिय
