काठमाडौँ – नवलपरासी पूर्व (नवलपुर) मा बस दुर्घटना हुँदा ६ जनाको ज्यान गएको छ । आइतबार बिहानै भएको दुर्घटनामा ५७ जना घाइते भएका छन् ।
इटहरीबाट भैरहवाका लागि छुटेको लु १ ख ८४५४ नम्बरको बस पूर्वपश्चिम राजमार्ग अन्तर्गत नवलपुरको मध्यविन्दु नगरपालिका–११, अरुणखोला नजिक आइतबार बिहान ५ बजे हुँदा ज्यान गुमाएका ६ मध्ये पाँचजनाको नाम खुलेको प्रहरीले जनाएको छ ।
ज्यान गुमाउनेमा सुनसरीको कोशी गाउँपालिका ३ का अब्दुल अन्सारी, भारत बिहारका विद्यानन्द यावद, भोजपुरका रामजित राई र मोरङका ११ वर्षे सुहम कार्कीको ज्यान गएको जिल्ला प्रहरी कार्यालय नवलपुरले जनाएको छ । यस्तै उपचारको क्रममा गुल्मीको हस्तीचउरका ३५ वर्षे तिलक विष्टको ज्यान गएको छ । विष्ट नेपाली सेनामा कार्यरत थिए । अर्का एकजनाको नाम खुलेको छैन ।
घटनामा घाइते भएका ५७ जना मध्ये ४१ जनालाई उपचारका लागि भरतपुर लगिएको छ । अरुको स्थानीय अस्पतालमा उपचार भइरहेको छ ।
बिहान गाडी आफै अनियन्त्रित भइ सडकबाट तल खसेको हो । बसमा क्षमता भन्दा बढी यात्रु रहेकाले दुर्घटना भएको बताइएको छ । बसका चालक निदाएकाले अनियन्त्रित भएर पल्टिएको पनि प्रहरीले जनाएको छ ।
भर्खरै
लोकप्रिय
