काठमाडौँ – आज र भोलि देशभर बालबालिकालाई भिटामिन ए क्याप्सुल र जुकाको औषधि खुवाइँदैछ।
सरकारले भिटामिन ए कार्यक्रम अन्तरगत आज र भोलि दुई दिन ६ महिनादेखि ५ वर्षसम्मका बालबालिकालाई देशभर भिटामिन ए क्याप्सुल र जुकाको औषधि खुवाइँदैछ।
६ महिनादेखि ५ वर्षसम्मका बालबालिकालाई भिटामिन ए क्याप्सुल खुवाउने काम भइरहेको महिला स्वास्थ्य स्वयंसेविका सीता खड्काले जानकारी दिएकी हुन्। भिटामिन ए क्याप्सुल सुत्केरी महिलालाई पनि खुवाइएको पनि उनले बताएकी छिन्।
यस वर्ष ५ वर्ष मुनिका २३ लाख ५६ हजार भन्दाबढि बालबालिकालाई भिटामिन ए क्याक्सुल खुवाइने कार्यक्रम रहेको स्वास्थ्य तथा जनसंख्या मन्त्रालयले जनाएको छ ।
देशभरका सबै स्थानीय तहको वडास्तरमा नै महिला स्वास्थ्य स्वयमसेविकाहरुले भिटामिन ए तथा जुकाको औषधि खुवाउँदैछन्। अभियानमा देशभरका ३६ हजार केन्द्रमा ६० हजार महिला स्वास्थ्य स्वयंसेविकासहितको जनशक्ति परिचालन गरिएको छ।
बाल मृत्युदरलाई रोक्न सरकारले वि.सं. २०५० सालदेखि यो अभियान सञ्चालन गर्दै आएको छ। वैशाख ६ र ७ तथा कात्तिक २ र ३ गते भिटामिन ए कार्यक्रमलाई अभियानको रुपमा सञ्चालन गर्नुपर्ने भएपनि यस वर्ष दसैँका कारण आज र भोलिका लागि सारिएको हो।
भर्खरै
लोकप्रिय
