बलिउड अभिनेत्री दीपिका पादुकोण र रणवीर सिंह १४-१५ नोभेम्बरमा विवाह गरिरहेका छन् । विवाहका लागि उनीहरु इटाली पुगीसकेका छन् ।
उनीहरुको विवाहका लागि विशेष तयारी भइरहेको छ । दीपिकालाई विवाहका लागि तयार पार्न उनका विशेष हेयर स्टाइलिस्ट अमित ठाकुर र गबरैल जर्जियो पनि इटाली गइसकेका छन् ।
उनीहरुका साथै दीपिकाका म्यानेजर करिश्मा प्रकाश पनि विवाहको लोकेसनका लागि त्यहाँ प्रस्थान गरेका छन् ।
यो विवाहमा झण्डै ३० जना पाहुना सहभागी हुने खबर छ । तर उनीहरु कसैलाई पनि विवाहस्थलमा मोबाइल लैजान निषेध गरिएको छ । विवाहको तस्बिर लीक नहोस् भनेर यस्तो गरिएको हो ।
उनीहरुको विवाह इटालीको आलीशान विला डेल बालडियानेलोमा हुनेछ । समुन्द्र र इन्द्रधनुषको सुन्दर दृष्य रहेको यो ठाउँ आफ्नो बनावटका कारण सबैलाई आकर्षित गर्छ । यो होटलमा यसभन्दा पहिले पनि थुप्रै स्टारहरुको विवाह भइसकेको छ ।
आफ्नो भव्यता र सुन्दरताका कारण यो होटल निकै महंगो पनि छ । यो होटलमा एकदिनवापतको १५ लाख देखि ४० लाख नेपाली रुपैयाँ सम्म तिर्नुपर्छ ।
विवाह गरेर दीपिका र रणवीर भारत फर्कनेछन् । उनीहरुले भारतमा दुई ओटा पार्टीको आयोजना गर्नेछन् । पहिलो पार्टी बेंगलोरमा हुनेछ भने दोस्रो पार्टी मुम्बईमा आयोजना हुने खबर छ ।
भर्खरै
लोकप्रिय
