एड फिल्मकार एलीक पदमसीको निधन

भारतीय विज्ञापन क्षेत्रलाई एक अलग पहचान दिलाउन सफल एड फिल्मकार एलीक पदमसीको ९० वर्षको उमेरमा निधन भएको छ ।

शनिबार उनको मुम्बईमा निधन भएको भारतीय सञ्चार माध्यमहरुले उल्लेख गरेका छन् । एलीक पदमसीले बलिउड चलचित्र गान्धीमा मोहम्मद अलीको भूमिका निभाएका थिए ।

एलीकलाई ‘फादर अफ मोडर्न इण्डियन एडभरटाइजिंग’ भनेर चिन्ने गरिन्छ । उनले लिरिल, हमारा बजाज र कामासूत्र जस्ता ब्रैंड्सका लागि उत्कृष्ट विज्ञापन बनाएका थिए ।
यी विज्ञापनहरुमार्फत उनले भारतमा आफ्नो अलग पहिचान बनाएका थिए । उनले भारतको टप विज्ञापन कम्पनी लिन्टासको पनि स्थापना गरेका थिए ।

उनको निधनपछि भारतीय विज्ञापन इण्डस्ट्रीमा शोक छाएको छ ।