काठमाडौँ – चिकित्सा शिक्षा ऐन तत्काल पारित गर्न माग राखेर शनिबार दिनभरि नै संघीय संसदका सभामुख कृष्णबहादुर महरालाई एसएमएस गरिएको छ।
‘संसद भत्ता ऐन एकैदिनमा, चिकित्सा ऐन वर्षौ दिनमा!’ लेखेर चिकित्सा शिक्षा अभियन्ताहरुले सभामुख महरालाई एसएमएस गरेका हुन्। अभियानलाई आमनागरिकले पनि आ–आफ्नो ठाउँबाट सहयोग गरेका छन्।
चिकित्सा शिक्षा अभियन्ता प्रितम सुबेदीका अनुसार शुक्रबार रातिदेखि नै सभामुख महरालाई एसएमएस गर्न थालिएको हो।
‘हामीले सभामुख ज्यूलाई एसएमएस गर्नका लागि सामाजिक सञ्जालमार्फत आमनागरिकलाई सार्वजनिक रुपमा आह्वान गरेका छौँ,’ सुवेदीले देश सञ्चारसँग भने, ‘हाम्रो उद्देश्य तत्काल चिकित्सा शिक्षा ऐन पारित गर्न सम्बन्धित सरोकारवालाहरुलाई दबाब दिनु हो।’
सभामुख महरालाई ‘माननीय ज्यू नमस्कार, हिउँदे अधिवेशन कहिले सुरु हुन्छ? चिकित्सा शिक्षा विधेयक संसदबाट कहिले पारित हुन्छ’ भनी एसएमएसमार्फत प्रश्न गरिएको छ।
क–कसलाई पठाइयो एसएमएस?
तिहारलगतै सुरु भएको अभियान अन्तरगत सम्बन्धित संसदीय समितिका सभापति तथा सदस्यहरुलाई एसएमएस पठाइएको छ।
‘सत्याग्रही डा. गोविन्द केसीसँग भएको सम्झौता बमोजिम चिकित्सा शिक्षा विधेयक पारित गर्ने सम्बन्धमा तपाईको सक्रिय योगदानको अपेक्षा गर्दछौँ भनेर एसएमएस गरिएको छ,’ सुबेदीले भने।
संसदको शिक्षा तथा स्वास्थ्य समिति र चिकित्सा शिक्षा विधेयक उपसमितिका सदस्यहरुलाई एसएमएस गरिएको छ।
सांसदहरु अञ्जना विशंखे, खगराज अधिकारी, गगनकुमार थापा, भैरवबहादुर सिंह, योगेश भट्टराई, सन्तकुमार थारु, हितबहादुर तामाङ, उमाकान्त चौधरी, चित्रलेखा यादव र एकवाल मियाँलाई एसएमएस गरिएको छ।
भर्खरै
लोकप्रिय
