काठमाडौँ – सरकारले जथाभावी एन्टिबायोटिक औषधिको प्रयोग नगर्न सचेत गराएको छ।
विश्व एण्टिबायोटिक्स सचेतना सप्ताहको सन्दर्भमा सोमबार आयोजित पत्रकार सम्मेलनमा उपप्रधानमन्त्री एवं स्वास्थ्य तथा जनसंख्या मन्त्री उपेन्द्र यादवले जथाभावी एण्टिवायोटिक औषधि प्रयोग नगर्न सचेत गराएका हुन्।
यादवले आगामी दिनमा यससम्बन्धी सचेतना कार्यक्रमलाई राष्ट्रिय कार्ययोजनाका साथअघि बढाउने प्रतिवद्धता पनि उहाँले व्यक्त गरेका छन्।
विज्ञको परामर्शबिना नै एण्टिबायोटिक औषधि सेवनको गति दैनिक बढ्दै गएको अवस्थामा सरकार एक्लैको प्रयास प्रभावकारी हुन नसक्ने भएकाले सबै वर्ग र तहबाट ऐक्यवद्धता आवश्यक रहेको बताएका छन्।
यस वर्षको विश्व एण्टिबायोटिक्स सचेतना सप्ताहको नारा ‘एण्टिबायोटिक्स प्रयोग गर्नुअघि सोचौँ, चिकित्सक (स्वास्थ्यकर्मी) को सल्लाहमा मात्र एण्टिबायोटिक्सको प्रयोग गरौँ, यसको दुरुपयोगले हामी सबैलाई जोखिममा पार्छ’ रहेको छ।
वैज्ञानिक एलेक्जेण्डर फ्लेमिङले सन् १९२८ मा एक प्रकारको ढुसीबाट पेनिसिलिन नाम गरेको एण्टिबायोटिक्स औषधि पत्ता लगाएका थिए।
तर, १९४० को दशकको सुरुवातबाट मात्रै पेनिसिलिन व्यावसायिक रुपमा बजारमा आएको थियो। तर पछिल्लो दुई दशकदेखि एण्टिबायोटिक्स औषधिहरु कम प्रभावकारी हुँदै गइरहेको अध्ययनहरुले देखाएका छन्। साथै विज्ञको सल्लाह बिना औषधि सेवन गर्ने क्रम पनि बढ्दै गएको छ।
भर्खरै
लोकप्रिय
