रणवीर सिंह र दीपिका पादुकोण आफ्नो विवाहका कारण अहिले चर्चामा छन् । ६ वर्षसम्म प्रेमसम्बन्धमा रहेका उनीहरु केहीदिन पहिले मात्रै इटालीमा विवाह गरेर भारत फर्केका छन् ।
विवाह गरेर फर्केका उनीहरुको मुम्बई एयरपोर्टमा भव्य स्वागत भयो । दीपिका र रणवीर मुम्बई एयरपोर्टमा एउटै रंगको लुगा लगाएर सार्वजनिक भएका थिए ।
एयरपोर्टमा स्वागतपछि उनीहरु रणवीरको घरमा गए । नयाँ दुलहीलाई स्वागतका लागि रणवीरको घर झिलिमिली पारिएको थियो ।
त्यहाँ पुगेका दीपिका र रणवीरले पत्रकारहरुसँग केही कुरा गरे । रणवीरकी आमाले बुहारीको स्वागत गरिन् ।
यसैबीच अब भने यो नवविवाहित जोडीलाई हैरान पार्न सक्ने एउटा खबर सार्वजनिक भएको छ ।
खबरका अनुसार विवाहमा आनन्द कारजका लागि गुरु ग्रन्थलाई होटेल लगेको भन्दै इटालीको सिख समुदाय रुष्ट भएको छ । आनन्द कारजका लागि जोडीले नै गुरुद्वारा जानुपर्ने हुन्छ ।
रणवीर सिंह र दीपिका पादुकोणको विवाहका लागि गुरु ग्रन्थ इटालीको होटलमा लगिएको थियो ।
टाइम्स अफ इण्डियाको खबर अनुसार इटालीको सिख अर्गनाइजेशनले यो मुद्दालाई उठाएका छन् र उनीहरु दीपिका रणवीरप्रति रुष्ट छन् ।
भर्खरै
लोकप्रिय
