करण जौहरको शो ‘कफी विद करण’मा सारा अली खान आफ्ना बुवा सैफ अली खानसँग सहभागी भइन् । त्यहाँ दुवैजनाले निकै रमाइलो कुराकानीसँगै आफ्नो जीवनसँग जोडिएका व्यक्तिगत कुराहरुमाथि पनि खुलासा गरे ।
करणले जब सारालाई सोधे कि उनले बलिउडमा कोसँग डेट गर्न चाहन्छिन अनि को सँग विवाह ? यसको जवाफमा साराले कार्तिक आर्यनसँग डेट गर्न चाहेको र रणबीर कपूरसँग विवाह गर्न चाहेको बताइन् ।
साराले आफूसँग डेट गर्न चाहेको कुरा सुनेपछि कार्तिक आर्यनले यसमा आफ्नो रिएक्शन दिएका छन् ।
‘लक्स गोल्डन रोज अवार्डस २०१८’ मा कार्तिक आर्यन, सारासँग डेट गर्ने कुरा सुनेपछि लजाएका थिए ।
‘मलाई थाहा छैन म कस्तो छु र यति भन्न सक्छु कि उनी धेरै सुन्दर छिन् म उनको चलचित्रको प्रतिक्षा गरिरहेको छु,’ उनले अगाडि भने, ‘हो म उनीसँग कफी पिउन चाहन्छु।’
कार्तिक आर्यन
यति मात्रै होइन एक रेडियो अन्तर्वार्तामा साराले प्रस्तोतासँग ‘कार्तिकलाई धेरै माया दिन चाहेको’ बताएकी थिइन् । जवाफमा प्रस्तोताले म तपाईको एक तस्बिर कार्तिकलाई पठाउँछु भन्दा साराले तस्बिर होइन तपाई कार्तिकलाई मेरो एड्रेस पठाइदिनुस् भनेकी थिइन् ।
सारा छिट्टै चलचित्र केदारनाथमार्फत बलिउडमा डेब्यू गरिरहेकी छन् ।
भर्खरै
लोकप्रिय
