चर्चित कपल प्रियंका चोपडा र निक जोनसको विवाह हुने दिन अब धेरै टाढा छैन । २९ नोभेम्बरदेखि उनीहरुको विवाह समारोह सुरु हुनेछ ।
प्राप्त खबरलाई मान्ने हो भने डिसेम्बर २ मा उनीहरु जोधपुरको उम्मेद भवनमा विवाह गर्नेछन् । तर दुवै जनाले आफ्नो विवाह मितिलाई लिएर कुनै औपचारिक जानकारी शेयर गरेका छैनन् ।
तर सञ्चार माध्यमहरुले उनीहरुको विवाहसँग सम्बन्धित विषयलाई प्राथमिकता दिइरहेका छन् । भारतको मुम्बई टाइम्स पत्रिकाले प्रियंका र निकको विवाह शेड्यूलको खुलासा गरेको छ ।
जस अनुसार २९ नोभेम्बरमा मेहन्दी र संगीत सेरेमनी हुनेछ । त्यस्तै ३० नोभेम्बरमा ककटेल पार्टी, १ डिसेम्बरमा हल्दी सेरेमनी र २ डिसेम्बरमा निक-प्रियंकाको विवाह हुनेछ ।
प्रियंका-निकले दुईवटा परम्परा अनुसार विवाह गर्नेछन् पहिलो हिन्दु र दोस्रो क्रिश्चियन परम्परा अनुसार उनीहरुको विवाह हुनेछ ।
२ डसेम्बरमा हिन्दु परम्परा अनुसार र ३ डिसेम्बरमा क्रिश्चियन परम्परा अनुसार एकै ठाउँमा विवाह हुनेछ ।
जोधपुरमा विवाहको तयारी सुरु भइसकेको छ । निक जोनस भारत आइसकेका छन् ।
भर्खरै
लोकप्रिय
