जब शाहरुख खानलाई मानिसहरुले भने, ‘तिमी हिरो बन्न सक्दैनौ’

छिट्टै रिलिज हुने तयारीमा छ शाहरुख खानको चलचित्र ‘जीरो’ । शाहरुख खानले आफ्ना लागि ‘जीरो’ को अर्थ त्यो समय रहेको बताए, जुन बेला अभिनयको क्षेत्रमा उनलाई जीरो जस्तै मानिएको थियो ।

शाहरुखको चलचित्र जीरो मा उनीसँग अनुष्का शर्मा र कटरिना केफ पनि छन् ।

शाहरुखले भने, ‘मानिसहरुले मलाई तिम्रो नाक राम्रो छैन, तिम्रो उचाई राम्रो छैन, बोल्दा भकभक गछौँ त्यसैले तिमी हिरो बन्न सक्दैनौँ भने । तर मलाई अभिनय गर्नु थियो । यो मेरो चाहना थियो जसलाई मैले मार्न सक्दिँन थे । मेरो यो चाहना पूरा गर्नका लागि म जे पनि गर्न सक्छु भन्ने ठान्थे । मलाई लाग्छ कि आजभोलि हामी अनावश्यक कुरामा पनि धेरै जजमेन्ट गर्न खोज्छौँ, सामाजिक सञ्जालमा त झन यस्ता मानिसहरु छन् जसले कसैलाई खराब भन्नका लागि मात्रै प्रतिक्षा गरिरहेका हुन्छन् ।’

भिलनबाट हिरो

शाहरुख खानले ‘डर’ र ‘बाजीगर’ जस्ता चलचित्रबाट आफ्नो करियर सुरुवात गरेका थिए । यी चलचित्रमा उनी नकारात्मक भूमिकामा थिए । त्यसपछि उनले केही रोमान्टिक चलचित्रमा काम गरे तर ती पनि चलेनन् ।

त्यसपछि उनको ‘दिलवाले दुल्हनियाँ ले जाएँगे’ चलचित्र आयो र सबै कुरा परिवर्तन भयो । शाहरुखका थुप्रै चलचित्र हिट भए र उनी बलिउडका बादशाह कहलिए ।

बलिउड अभिनेता शाहरुख खान ५३ वर्षका भएका छन् । पछिल्लो जन्मदिनका अवसरमा उनले आफ्नो चलचित्र ‘जीरो’ को ट्रेलर रिलिज गरेका थिए ।

यो चलचित्रको ट्रेलर रिलिजका अवसरमा उनले भनेका थिए कि उनको भूमिकालाई न्याय दिन चलचित्रमा एडभान्स भिजुअल इफेक्ट्सको प्रयोग गरिएको छ र यसलाई बनाउन दुई वर्षको समय लागेको छ ।